1. umferð Domino's deildar karla klárast í kvöld með þremur leikjum. Stórleikur Stjörnunnar og KR verður í beinni útsendingu á Stöð 2 Sport en saga þessarra liða ætti að vera öllum kunn en KR-ingar eiga margt óútkljáð við Garðbæinga.
Þór Þorlákshöfn tekur á móti Keflvíkingum sem eru til alls líklegir. Þórsarar hafa samt turninn í miðjunni, Nat-vélina en forvitnilegt verður að sjá hvort Keflvíkingar geti spilað gamla hraðlestarboltann gegn þeim í kvöld.
Njarðvíkingar mæta svo nýliðum Hattar í Ljónagryfjunni. Munu Hattarmenn geta komið þeim grænklæddu á óvart og stela einum í gryfjunni?
Mætið á völlinn kl. 19:15 eða stillið á Stöð 2 Sport og fylgist með veislunni.
Ásgarður, Garðabæ, kl. 19:15: Stjarnan – KR
Þorlákshöfn, kl. 19:15: Þór – Keflavík
Ljónagryfjan, Njarðvík, kl. 19:15: Njarðvík – Höttur
Mynd: Bikarmeistarinn Justin Shouse og félagar mæta Íslandsmeisturum KR í kvöld. (Bára Dröfn)
