Keflavíkurhraðlestin virðist óstöðvandi þessa dagana. Enn ósigraðir í Domino's deild karla og lögðu nú Íslandsmeistara KR í toppslagnum og sitja nú einir taplausir á toppnum. Í leik Keflavíkur og KR fór Reggie Dupree hamförum og lék á alls oddi fyrir lið sitt. Dupree lauk leik með 21 stig og 7 fráköst og aðeins 1 tapaðan bolta á móti einu besta varnarliði deildarinnar. Dupree setti einnig niður 5/5 í þriggja stiga skotum sínum í leiknum. Reggie Dupree er því Lykilmaður 7. umferðar Domino's deildar karla.
