Hlynur Bæringsson hefur framlengt samning sinn við Stjörnuna út komandi tímabil í Subway deild karla. Þetta staðfestir félagið á Facebook síðu sinni.
Hlynur, sem verður 41 árs á árinu, hefur leikið með Stjörnunni allt frá því að hann kom heim úr atvinnumennsku haustið 2016. Áður lék hann í Svíþjóð við góðan orðstír og var þar áður burðarás í liði Snæfells sem hampaði Íslandsmeistaratitlinum árið 2010.
