Heil umferð fer fram í Domino's deild kvenna í kvöld. Systurnar Sverrisdætur, Helena og Guðbjörg mætast í Schenker höllinni. Haukar eru jafnar Snæfelli á toppnum í deildinni en Valskonur hafa verið að sækja í sig veðrið undanfarið og hafa nú unnið 4 leiki í röð. Erfiður leikur fyrir Val en jafnfram mjög mikilvægur leikur Hauka, sem mega ekki missa Snæfell frá sér eða hleypa Val mikið nær sér.
Meistarar Snæfells fá Grindvíkinga í heimsókn í Hólminn en Stjarnan tekur svo á móti botnliði Hamars.
Allir leikir hefjast kl. 19:15 í kvöld.
