Ægir og Helena með einokun

Ægir Þór Steinarsson og Helena Sverrisdóttir halda titlum sínum fyrir Janúar mánuð sem DHL Sendlar Dominosdeildanna.  Þó vissulega geri aðrir tilkall í þennan eftirsótta og gjafsama titil þá ríghalda þau parið í þetta og þá sérstaklega Ægir sem virðist einoka markaðinn og spurning að fara að hafa samband við Samkeppniseftirlit í þessum málum. Stúlkurnar á milli sín hafa sent 2060 stoðsendingar í vetur á meðan drengirnir hafa sent 15702 stoðsendingar sín á milli.

Í Janúar sendu þau Helena og Ægir til samans á félaga sína 63 stoðsendingar. 

Ægir sem fyrr segir er að einoka þennan titil karlamegin en í Janúar sendi hann heilar 38 stoðsendingar á félaga sína í KR. Næstur honum í Janúar mánuði var Justin Shouse með 26 stoðsendingar og þar næst var Pétur Rúnar Birgisson með 23 sendingar.  Flestar stoðsendingar í einum leik sendi Ægir Þór Steinarsson þann 28. janúar sl. gegn Njarðvík og setti þar með met í deildinni þegar hann sendi 14 stoðsendingar (sem reyndar hefur verið jafnað í Febrúar)

Hjá stúlkunum var Helena Sverrisdóttir með 25 stoðsendingar í Janúar mánuði og aðeins einni stoðsendingu frá henni var systir hennar Guðbjörg með 24 sendingar. Hinsvegar lék Guðbjörg einum leik meira en Helena í mánuðinum. Margrét Kara Sturludóttir kom þeim næst með 23 stoðsendingu en líkt og Guðbjörg lék hún einum leik meira en Helena.  Þrír leikmenn sendu flestar stoðsendingar í einum leik eða 9 slíkar á félaga sína. Það voru þær Helena Sverrisdóttir gegn Stjörnunni og það sama gerði Pálína Gunnlaugsdóttir í sama leik. Og svo var það Gunnhildur Gunnarsdóttir sem sendi 9 stoðsendingar á sína félaga í leik gegn Haukum þann 19. janúar. 

Flestar karla: 

Ægir Þór Steinarsson 38 stoðsendingar í janúar

Justin Shouse 26 stoðsendingar í janúar

Pétur Rúnar Birgisson 23 stoðsendingar í janúar

Flestar kvenna: 

Helena Sverrisdóttir 25 stoðsendingar í janúar

Guðbjörg Sverrisdóttir 24 stoðsendingar í janúar

Margrét Kara Sturludóttir 23 stoðsendingar í janúar