Leikir dagsins: Stórleikur í Mustad höllinni þegar Keflavík kemur í heimsókn

Þrír leikir í Domino's deild kvenna í dag. Stórleikur í Mustad höllinni þegar Keflavík kemur í heimsókn og spilar við Grindvíkinga. Liðin eru jöfn á töflunni með 16 stig og því mikilvægt fyrir bæði að ná sigri í þessum leik. 

Valskonur taka á móti Snæfelli í Valshöllinni. Erfiður leikur fyrir Valsara þar sem ekkert virðist bíta á Snæfelli þessa dagana. Haukar fara svo út í Hveragerði og leika við Hamar en Hamarskonur sigruðu sinn annan leik í vetur gegn Stjörnunni á dögunum. Þær vonast til að geta haldið í eitt sterkasta lið deildarinnar.

Leikirnir hefjast kl. 16:30 nema hvað leikur Vals og Snæfells hefst kl. 17:00.