Hvað ætli leikmenn setji á fóninn rétt fyrir leik?
Við fengum leikmann Tindastóls, Helga Margeirsson, til þess að ljóstra upp fyrir okkur hvaða lög það væru sem hlustað væri á til þess að koma sér í gírinn.
Tindastóll keyrir suður og mætir Keflavík í fyrsta leik 8 liða úrslita Dominos deildarinnar kl. 19:15 og er leikurinn í beinni útsendingu á Stöð 2 Sport.
Helgi:
"Jæja ég setti saman smá lista yfir lög sem ég hef gaman af því að hlusta á þó ég sé enginn spekúlant í þessum efnum….
Ég lagði þetta upp með tilliti til útileiks hjá Tindastól og dagskrá liðsins á því ferðalagi sem jafnan er á virkum degi og tekur um 14 tíma. Ég held að ég sé ekkert að skjóta langt frá markinu þegar ég segi að liðið ferðist hátt í 10.000km á tímabilinu saman í rútu og þó stundum geti þetta verið þreytandi að þá eru þetta stundirnar sem maður á eftir að sakna hvað mest þegar maður gengur frá leiknum"
- Red Hot Chili Peppers – Road trippin: Guttarnir búnir að lesta rútuna og allir komnir í sín sæti. Kári Mar setur „krúsið“ á og sleppir öllum beygjum sem ekki eru nauðsynlegar.
- Metallica – Nothing Else Matters: Siggi Palli #15 yfirmaður tölvudeildar liðsins (Á lausu, er ekki á Tinder en mamma hans er í símaskránni) sér um að það sem skiptir öllu máli, að kvikmyndir ferðarinnar séu í topp klassa.
- Alice Cooper – Poison: 1.stop er Staðarskáli, hér borðum við ekki….
- Led Zeppelin – Stairway to heaven: Olís skálinn í Borgarnesi, hér borðum við..
- Rolling Stones – Angie: Nú leggjum við í‘ann frá Borgarnes og Guttarnir sem enn leita sinnar Angie opna Tinder-appið, RVK stelpurnar birtast í bunkum… menn sem hafa lifað lengur og reynt þetta allt veita ráð, segja sögur og taka stundum völdin; hægri eða vinstri, það er spurningin…
- Pink Floyd – Money: Höfuðborgin birtist við sjóndeildarhringinn
- Dire Straits – Brothers in Arms: Rútan rennur í hlaðið á íþróttahúsinu og menn líta yfir hópinn, taka í öxlina á næsta manni, traustið og samheldnin umliggur allt, liðið er klárt.
- UB40 – Red red wine : Síðasta lag út úr klefanum er lagið hans D.Lewis, hvað gerir maður ekki til að hjálpa fertugum manni að finna sitt grúv.
- Nirvana – Smells like teen spirit: Leikurinn spilaður á þessu tempói.
- Rammstein – Stripped: Sturta….
- Guns N‘ Roses – Paradise City: Rennum sigurreifir aftur í Skagafjörðinn, fjörðinn fagra.
- Foo Fighters – Times like These: Þegar liðið kemur heim, maður er þreyttur en ánægður eftir góðan útisigur og veit að það er stutt í að maður þurfi að rífa sig upp í vinnu daginn eftir… Þreytan tekur yfir í stutta stund en svo man maður að þessi tími kemur ekki aftur og því rígheldur maður í hann og nýtur í botn!
Gleðilega úrslitakeppni öll saman !!
