Karfan.is hefur útnefnt Helga Má Magnússon Lykilmann fyrsta leiks KR og Njarðvíkur í undanúrslitum Domino's deildar karla. Helgi lék einna best í frekar slöku KR liði en var afar drjúgur í varnarleik sínum á Hauk Helga Pálssyni í lok seinni framlengingarinnar. Fram að því hafði Haukur haldið Njarðvík inni í leiknum. Helga tókst að slá boltann úr höndum Hauks á lokasekúndum seinni framlengingarinnar en það fór langt með að tryggja KR sigurinn.
