Njarðvík og KR mætast í sínum fjórða undanúrslitaleik í Domino´s-deild karla í kvöld en leikið verður í Ljónagryfjunni og hefst fjörið stundvíslega kl. 19:15. Ráð fyrir stuðningsmenn að mæta snemma því það er nokkuð ljóst að Ljónagryfjan í Njarðvík verður stútfull.
KR tók 1-0 forystu í einvíginu eftir tvíframlengdan leik (69-67) en Njarðvík jafnaði svo metin 1-1 í öðrum hádramatískum leik (88-86). KR tók svo forystuna 2-1 í síðasta leik þar sem Íslandsmeistararnir leiddu frá upphafi til enda (72-54).
Njarðvíkingar hafa verið fórnarlömb gríðarlegra afskrifta alla úrslitakeppnina og komnir mun lengra en flestir fræðingar spáðu þeim, geta grænir haldið áfram að koma á óvart eða lýkur dísilvélin úr vesturbænum verkinu í kvöld?
Allir leikir dagsins
| 13-04-2016 17:30 | Stúlknaflokkur | Breiðablik st. fl. | Ármann/Valur st. fl. | Smárinn | |
| 13-04-2016 19:15 | Úrvalsdeild karla | Njarðvík | KR | Njarðvík | |
| 13-04-2016 19:30 | Unglingaflokkur karla | Skallagrímur ungl. fl. dr. | Keflavík ungl. fl. dr. | Borgarnes |
