Jón Arnór Stefánsson og hans félagar í Valencia sigruðu nokkuð örugglega lið Tenerife í kvöld með 93 stigum gegn 75. Eftir leik kvöldsins og 29 umferðir í ACB deildinni eru Valencia jafnir Barcelona á toppi deildarinnar með 25 sigra en Barcelona á vissulega leik til góða og það gegn liði Laboral Kutxa sem eru í fjórða sæti deildarinnar. Jón Arnór spilaði tæpar 15 mínútur í kvöld og skoraði 2 stig og sendi jafn margar stoðsendingar.
Barcelona og Real Madrid áttust við nú um helgina og höfðu Real Madrid betur að þessu sinni, 91:86 varð loka niðurstaða þess leiks og Real eru í þriðja sæti deildarinnar aðeins einum sigri frá toppliðum Valencia og Barcelona.
