Þriðja viðureign KR og Hauka fer fram í úrslitum Domino´s-deildar karla í kvöld þar sem KR getur með sigri orðið Íslandsmeistari þriðja árið í röð. Leikurinn hefst kl. 19:15 en staðan er 2-0 í einvíginu KR í vil.
Spurning dagsins er hvort Kári Jónsson verði með í liði Hauka í kvöld en hann meiddist í fyrsta leiknum sem Haukar töpuðu með 30 stiga og þá sat hann í borgaralegum klæðum í leik tvö þar sem um hörkuleik var að ræða og KR setti þá niður stóru skotin til að loka leiknum.
Það er því óhætt að segja að það sé brekka framundan hjá Hafnfirðingum sem hafa enn ekki á tímabilinu fundið lykilinn að sigri gegn KR-ingum.
