Snæfell hefur samið við hinn bandaríska Jaeden King um að leika með liðinu í 1. deild karla á næsta tímabili, en þetta kemur fram í tilkynningu á Facebook-síðu félagsins. King er 198 sentimetrar á hæð og lék fyrir Saint Xavier háskólann vestanhafs, en Snæfell verður fyrsta lið hans í atvinnumennsku.
Snæfell mun taka þátt í 1. deild karla á komandi tímabili eftir nokkurra ára fjarveru.
