ÍA hefur samið við bakvörðinn Srdan Stojanovic um að leika með liðinu á komandi tímabili í 1. deildinni.
Srdan lék með Álftanesi á síðasta tímabili þar sem liðið sigraði 1. deildina og vann sæti í úrvaldsdeildinni. Þar var hann með um 16 stig í leik og 48% skotnýtingu í tímabilinu. Fyrst kom Srdan til Íslands árið 2018 til þess að leika með Fjölni og var hjá þeim allt til ársins 2020. Tímabilið þar á eftir 2020-21 lék hann með Þór Akureyri og tímabilið 2021-22 var hann með Selfoss.
