Helgi Már Magnússon mun ekki þjálfa karlalið KR á komandi leiktíð í 1. deild karla. Þetta var tilkynnt á Facebook síðu KR í dag. KR-ingar féllu úr efstu deild karla, Subway deildinni, í fyrsta skipti í sögu félagsins á nýliðnu tímabili.
Helgi Már tók við þjálfun KR í annað sinn fyrir síðasta tímabil, en áður hafði hann verið spilandi þjálfari liðsins um stund veturinn 2012-2013. Helgi er goðsögn hjá KR, en auk þess að þjálfa liðið varð hann sjö sinnum Íslandsmeistari með liðinu sem leikmaður.
