Íslandsmeistarar Vals hafa samið við bakvörðinn Önnu Fríðu Ingvarsdóttur fyrir komandi átök í Subway deild kvenna.
Anna Fríða er 18 ára bakvörður sem kemur frá KR þar sem hún lék upp alla yngri flokkana. Hún spilaði í vetur með sameiginlegu liði Vals og KR í ungmennaflokki en liðið hlaut silfurverðlaun núna fyrr í maí. Anna Fríða er gríðarlega efnilegur leikmaður en hún lenti í slæmum meiðslum þegar hún var 16 ára sem hélt henni frá vellinum í 12 mánuði. Hún var valin í U15 og U16 landslið Íslands og er núna í úrtökuhóp fyrir U18.
