Álftnesingar halda áfram að endursemja við sína menn fyrir fyrstu leiktíð félagsins í Subway deild karla, en í dag var tilkynnt að Eysteinn Bjarni Ævarsson myndi taka slaginn með liðinu á komandi leiktíð. Eysteinn var valinn í lið ársins í 1. deild karla á síðustu leiktíð, þegar Álftnesingar unnu deildina og tryggðu sér þátttökurétt í Subwaydeildinni.
Þá mun Kjartan Atli Kjartansson halda áfram þjálfun Álftnesinga. Kjartan hóf störf hjá Álftanesi fyrir nýliðið tímabil og stýrði liðinu upp í fyrstu tilraun.
