Ríkjandi Íslandsmeistarar Snæfells geta í dag gulltryggt deildarmeistaratitilinn í Domino´s-deild kvenna með sigri gegn botnliði Grindavíkur. Liðin mætast í Röstinni í Grindavík kl. 16:30. Keflavík á enn möguleika á deildarmeistaratitlinum en verða þá að vinna sigur á Val í TM-Höllinni í dag.
Snæfell hefur 42 stig á toppi deildarinnar og Keflavík 40. Gefum okkur að bæði lið vinni sigur í dag er Snæfell með 44 stig á toppnum en Keflavík í 2. sæti með 42 stig. Þá gæti Keflavík aðeins jafnað Snæfell á toppnum með sigri gegn þeim í lokaumferðinni en þar kemur á daginn að Snæfell hefur unnið alla þrjá deildarleikina sem liðin hafa spilað svo Keflavík getur ekki snapað til sín innbyrðisviðureigninni. Til að Keflavík geti orðið deildarmeistari þar Snæfell að tapa í dag eða í lokaumferðinni og Keflavík að vinna báða sína leiki sem eftir eru.
Annað er nokkuð sett í stein. Grindavík er fallið, Haukar ljúka tímabili sínu að lokinni deildarkeppni og líka Njarðvík. Þá stóð barátta á milli Vals og Stjörnunnar um lokasætið í úrslitakeppninni en Stjörnukonur tryggðu sér sætið með sigri á Val í fjórðu deildarviðureign liðanna þann 8. mars síðastliðinn. Stjarnan fer inn í úrslitakeppnina í 4. sæti, Skallagrímur verður í 3. sæti þar sem liðið getur bara jafnað Keflavík að stigum og Keflavík er með betur innbyrðis. Eftir standa Keflavík og Snæfell sem berjast nú um deildarmeistaratitilinn. Þeirri baráttu gæti lokið í dag.
Staðan í Domino´s-deild kvenna
Nr. | Lið | L | U | T | S | Stig/Fen | +/- | Stg í L/Fen m | Heima s/t | Úti s/t | Stig heima s/f | Stig úti s/f | Síðustu 5 | Síð 10 | Form liðs | Heima í röð | Úti í röð | JL |
---|---|---|---|---|---|---|---|---|---|---|---|---|---|---|---|---|---|---|
1. | Snæfell | 26 | 21 | 5 | 42 | 1895/1615 | 280 | 72.9/62.1 | 11/2 | 10/3 | 76.5/64.8 | 69.3/59.5 | 5/0 | 10/0 | +11 | +5 | +7 | 5/1 |
2. | Keflavík | 26 | 20 | 6 | 40 | 1897/1587 | 310 | 73.0/61.0 | 10/3 | 10/3 | 74.5/62.2 | 71.5/59.8 | 5/0 | 8/2 | +5 | +3 | +3 | 2/5 |
3. | Skallagrímur | 26 | 18 | 8 | 36 | 1916/1739 | 177 | 73.7/66.9 | 9/4 | 9/4 | 74.7/66.2 | 72.7/67.5 | 2/3 | 6/4 | -2 | -1 | -1 | 2/1 |
4. | Stjarnan | 26 | 13 | 13 | 26 | 1746/1773 | -27 | 67.2/68.2 | 9/4 | 4/9 | 68.4/66.2 | 65.9/70.2 | 1/4 | 4/6 | -1 | +1 | -3 | 5/3 |
5. | Valur | 26 | 11 | 15 | 22 | 1903/1868 | 35 | 73.2/71.8 | 6/7 | 5/8 | 72.4/70.0 | 74.0/73.7 | 2/3 | 5/5 | +1 | +1 | -1 | 2/4 |
6. | Njarðvík | 26 | 10 | 16 | 20 | 1771/1977 | -206 | 68.1/76.0 | 6/7 | 4/9 | 70.5/74.7 | 65.7/77.4 | 2/3 | 3/7 | -2 | -1 | -2 | 3/1 |
7. | Haukar | 26 | 7 | 19 | 14 | 1568/1796 | -228 | 60.3/69.1 | 4/9 | 3/10 | 58.8/66.2 | 61.8/72.0 | 2/3 | 2/8 | +1 | -5 | +1 | 3/5 |
8. | Grindavík | 26 | 4 | 22 | 8 | 1685/2026 | -341 | 64.8/77.9 | 3/10 | 1/12 | 65.2/75.0 | 64.4/80.8 | 1/4 | 1/9 | -1 | +1 | -7 | 2/4 |