Ægir Þór Steinarsson og félagar í HLA Alicante höfðu betur gegn Þóri Guðmundi Þorbjarnarsyni og Oviedo í kvöld í Leb Oro deildinni á Spáni, 78-69.
Eftir leikinn er Alicante í 6. sæti deildarinnar á meðan að Oviedo eru í 14. sætinu.
Á rúmum 25 mínútum spiluðum skilaði Ægir Þór 19 stigum, 3 fráköstum og 3 stoðsendingum, en hann var framlagshæsti leikmaður vallarins með 24 framlagsstig fyrir frammistöðuna.
Þórir Guðmundur lék öllu minna í leiknum, rétt tæpar 20 mínútur og var með 2 stig, 2 fráköst og stoðsendingu í leiknum.
