Þessi spá er hluti af spá Karfan.is fyrir NBA tímabilið 2017-2018.
San Antonio Spurs
Heimavöllur: AT&T Center
Þjálfari: Gregg Popovich
Helstu komur: Rudy Gay, Joffrey Lauvergne.
Helstu brottfarir: Dewayne Dedmon, Jonathon Simmons.
Vatn er blautt, sólin er heit og San Antonio Spurs vinna 50 leiki. Þessi 3 atriði eru óhrekjanlegar staðreyndir. Ekki mikið breytt lið frá því í fyrra og mun sennilega vera svipað. Tony Parker verður ekki með fyrr en seint og Kawhi Leonard byrjar ekki tímabilið. Þrátt fyrir þetta þá mun liðið ekki vera í neinum sérstökum vandræðum.
Styrkleikar liðsins eru besti körfuboltaþjálfari allra tíma, Gregg Popovich. Popvich virðist geta fengið fáránlegustu hluti út úr leikmönnum sem fyrirfram voru álitnir ómögulegir eða óáhugaverðir. Spurs eru alltaf gott varnarlið og yfirleitt mjög gott sóknarlið. Þá hjálpar að vera með leikmann sem er frábær á báðum endum vallarins í Kawhi Leonard. LaMarcus Aldridge mun svo eiga fínt tímabil eftir erfiðan vetur í fyrra.
Veikleikarnir eru fáir sem engir, ef eitthvað er þá eru lykilmenn liðsins farnir að láta á sjá vegna aldurs og breiddin er sennilega ekki jafn mikil og í fyrra.
Byrjunarlið í fyrsta leik:
Dejounte Murray
Danny Green
Kyle Andersson
LaMarcus Aldridge
Pau Gasol
Fylgstu með: LaMarcus Aldridge. Þessi frábæri framherji átti erfitt uppdráttar í fyrra en mun sennilega fá mikið að gera í fjarveru Kawhi Leonard.
Gamlinginn: Manu Ginobili (40) er einn allra skemmtilegasti leikmaður síðustu 2gja áratuga. Njótum á meðan er.
Spáin: 58–24 – 3. sæti
15. Phoenix Suns
14. Sacramento Kings
13. Dallas Mavericks
10. Utah Jazz
3. San Antonio Spurs
2.
1.
