Þrír leikir fara fram í Geysisbikar karla í kvöld. Þar með lýkur 32. liða úrslitum keppninnar og ljóst hvaða lið geta mæst í 16. liða úrslitum.
Grindavík fær tækifæri til þess að hefna fyrir tapið stóra gegn Keflavík á dögunum. Liðið mætir Keflavík í Röstinni kl 19:45 en leikurinn er í beinni útsendingu á RÚV2.
Annar úrvalsdeildarslagur fer fram í Mathús Garðarbæjarhöllinni þar sem Blikr heimsækja heimamenn í Stjörnunni. Blikar unnu sinn fyrsta leik í vikunni en Stjarnan er eitt af toppliðum deildarinnar og því fróðleg viðureign.
Einnig mætast Selfoss og Sindri í skemmtilegri viðureign. Frekar verður fjallað um leiki kvöldsins á Körfunni í kvöld.
Leikir dagsins:
Geysisbikar karla:
Selfoss – Sindri – kl. 19:15
Stjarnan – Breiðablik – kl. 19:15
Grindavík – Keflavík – kl. 19:45
