Dominos deild karla hófst í gærkvöldi með fjórum leikjum. Líkt og áður er mikil spenna fyrir nýju tímabili en miklar breytingar hafa orðið á liðunum sem gerir spennuna jafnvel enn meiri fyrir þetta tímabil.
Karfan hitar upp fyrir tímabilið með því að fara yfir öll liðin og ræða við leikmann eða þjálfara liðsins. Þá er komið að Keflavík.
Keflavík
Keflvíkingar áttu furðulegt tímabil á síðustu leiktíð. Deildarkeppninn var vonbrigði en liðið átti þrusu einvígi gegn Haukum í úrslitakeppninni. Liðið hefur nú endurheimt Gunnar Ólafsson og Michael Craion sem gætu komið Keflavík í toppbaráttu.
Spá KKÍ: 5. sæti
Lokastaða á síðustu leiktíð: 8. sæti
Þjálfari liðsins: Sverrir Þór Sverrisson og Jón Guðmundsson
Leikmaður sem vert er að fylgjast með: Gunnar Ólafsson. Hann snýr nú til baka eftir fjögur ár í Bandaríkjunum því að einhverju leiti óskrifað blað í íslensku deildinni. Hefur verið í flottu formi í sumar og nálægt landsliðinu.
Komnir og farnir:
Komnir:
Hörður Axel Vilhjálmsson frá Grikklandi
Gunnar Ólafsson frá St. Francis Brooklyn USA
Michael Craion frá SVBD (Frakklandi)
Mantas Mockevicius frá Litháen
Farnir:
Ragnar Örn Bragason til Þór Þ
Jón Arnór Sverrisson til Njarðvíkur
Daði Lár Jónsson til Hauka
Andrés Kristleifsson til Fjölnis
Viðtal við Hörð Axel um komandi tímabil.
