Dominos deild kvenna hefst í kvöld með fjórum leikjum. Líkt og áður er mikil spenna fyrir nýju tímabili en miklar breytingar hafa orðið á liðunum sem gerir spennuna jafnvel enn meiri fyrir þetta tímabil.
Karfan hitar upp fyrir tímabilið með því að fara yfir öll liðin og ræða við leikmann eða þjálfara liðsins. Næst á dagskrá eru Íslandsmeistararnir.
Haukar
Íslands-og deildarmeistarar síðustu leiktíðar misstu líklega besta leikmann sögunnar í Helenu Sverrisdóttur fyrir tímabilið. Það gefur yngri leikmönnum tækifæri á að taka ábyrgðina og springa út. Efnilegir leikmenn eru að koma upp sem gætu tekið stökkið á komandi tímabili.
Spá KKÍ: 6. sæti
Lokastaða á síðustu leiktíð: 1. sæti
Þjálfari liðsins: Ólöf Helga Pálsdóttir
Leikmaður sem vert er að fylgjast með: Sigrún Björg Ólafsdóttir. Þrátt fyrir ungan aldur höfum við séð mikið af Sigrúnu. Setti risastór skot í úrslitakeppnini í fyrra fyrir Hauka og mun halda áfram að þroskast á þessu tímabili.
Komnar og farnar:
Komnar:
Lele Hardy frá Tapiolan Honka (Finnland)
Ólöf Helga Pálsdóttir frá Grindavík (þjálfari)
Bríet Lilja Sigurðardóttir frá Skallagrím
Eva Margrét Kristjánsdóttir byrjar aftur eftir pásu
Akvile Baronenaite frá Litháen
Farnar:
Helena Sverrisdóttir til Cegled, Ungverjalandi
Ingvar Þór Guðjónsson (þjálfari)
Ragnheiður Björk Einarsdóttir til Breiðabliks
Þórdís Jóna Kristjánsdóttir til Breiðabliks
Dýrfinna Arnardóttir frí vegna meiðsla
Whitney Fraizer til USA
Fanney Ragnarsdóttir til Fjölnis
Viðtal við Ólöfu Helgu um komandi tímabil:
