Stjörnumenn gerðu sér lítið fyrir og völtuðu hreinlega yfir arfaslaka Keflvíkinga í Ásgarði í kvöld, 99-67. Tómas Þórður Hilmarsson var allt í öllu fyrir heimamenn með 26 stig og 16 fráköst en hjá gestunum var það Magnús Már Traustason sem var með lífsmarki með 13 stig.
Í Ljónagryfjunni eru neglur bitnar upp að kviku því þar var tví-framlengt. Leikurinn réðst á loka loka andartökunum en það voru Njarðvíkingar sem unnu að lokum 103-102.
Mikill stigaleikur var spilaður í Kópavoginum þar sem Breiðablik tók á móti Skallagrími en þeim leik lauk með samtals 234 stigum skoruðum í heildina. Fór svo að Skallagrímur sigraði leikinni gegn gestgjöfunum 111-123.
