ÍA tók í kvöld á móti Hrunamönnum á Vesturgötunni á Akranesi. Bæði lið mættu með lítinn byr í seglum sínum eftir síðustu leiki. Skagamenn höfðu tapað tveimur síðustu leikjum sínum eftir tvo sterka sigra í leikjum sínum þar á undan og Hrunamenn höfðu tapað þrem síðustu leikjum sínum í röð. En eitt var víst fyrir leikinn og það var að annað liðið myndi sækja sigur í leikslok.
Leikurinn bar þess merki til að byrja með, liðin voru varkár í leik sínum og mikið jafnræði var með liðunum í fyrri hálfleik en gestirnir leiddu í hálfleik með tveimur stigum, 45-47.
Síðari hálfleikur hófst á svipuðu nótum en um miðjan þriðja leikhluta náðu Skagamenn góðum kafla og komust í tíu stiga forystu en þetta var í fyrsta sinn í leiknum sem svo mikill munur var á liðunum í leiknum. Svo fór að ÍA lét forystuna aldrei af hendi og lönduðu að lokum sætum 101-94 sigri.
Liðin eru því jöfn í 8.-9. sæti með 18 stig þegar tvær umferðir eru eftir en Hrunamenn sitja í því 8. þar sem þeir hafa unnið tvo af þremur innbyrðis leikjum liðanna í vetur.
Punktar
-Allir 5 byrjunarliðsmenn ÍA skoruðu 10 stig eða meira í leiknum.
-Allir 9 leikmenn Hrunamanna sem voru á skýrslu skoruðu í leiknum.
-Jalen David Dupree (ÍA) og Ahmad James Gilbert (Hrunamenn) voru báðir með 38 framlagspunkta í leiknum.
-Bæði lið tóku 24 varnarfráköst og 10 sóknarfráköst og því tóku bæði lið samtals 34 fráköst í leiknum.
Önnur úrslit kvöldsins
Umfjöllun / HGH
