Nú þegar tímabilið er við það að byrja og flest lið farin að æfa stíft náði Karfan.is góðu spjalli við Gunnar Ólafsson, leikmann Keflavíkur sem er nýbúinn með fjögur ár af háskólabolta hjá St. Francis.
Gunnar segir frá sinni reynslu af því að vera úti í New York í háskólanámi og stífu körfuboltaprógrammi í fjögur ár. Hann segir frá hlutverkaskiptum milli ára, æfingaálagi og íþrótta aðstöðunni úti ásamt því að bera saman íslenska boltann við bandaríska háskólaboltann.
Þjálfarar, liðsfélagar bæði úti og hérna heima bera á góma og við ræðum hvernig Gunnar komst svona langt og hvert hann stefni næst. Að lokum ræðum við vörn og huglæga þáttinn í körfunni og hvað tilvonandi nýliðar í háskólaboltanum ættu að hafa hugfast. Njótið vel.
Umsjón: Helgi Hrafn Ólafsson
Dagskrá:
00:00:30 – Gunnar kynntur og ræðir árin sín hjá Fjölni
00:05:30 – Ákvörðunin að fara til Keflavíkur í fyrsta skiptið
00:07:15 – Hvernig Gunnar komst í St. Francis Brooklyn
00:10:25 – Fyrsta árið: Einum sigri frá March Madness
00:13:10 – Annað árið: Stærra hlutverk – Stopparinn í liðinu
00:17:00 – Dagur í lífi Gunnars í háskólaboltanum
00:20:05 – Þriðja árið: Færður í fjarkann – fleiri fráköst og meira kjöt
00:24:35 – Fjórða árið: Erfið meiðsli og vonbrigði
00:28:10 – Aðstaðan, New York lífið og leikjaálagið
00:36:25 – Ráð til leikmanna sem eru á leið út í háskólaboltann
00:41:25 – Komandi tímabil með Keflavík og gamlir félagar
00:46:50 – Að vinda ofan af mikilleika: Árangur og góð vörn
00:51:50 – Þjálfarar Gunnars og hvers vegna hann komst svona langt
00:55:55 – Huglægi þátturinn og hvað Gunnar hlustar á og les
00:59:25 – Lokaráð Gunna
