Körfuboltabúðir Fjölnis verða haldnar 11. til 28. júní næstkomandi fyrir iðkendur fædda 2013 eða fyrr. Eru búðirnar bæði aldursskiptar, sem og er nýtt þema á þeim í hverri viku. Allar frekari upplýsingar má sjá hér fyrir neðan.
Sportvörubrautin verður farin á föstudögum þar sem allir iðkendur keppast um að klára ákveðna þrautabraut á tíma og verðlaun verða í boði. Sportvörur eru samstarfsaðili búðanna og leggja þær til hinar ýmsu vörur til þess að gera æfingarnar meira krefjandi. Allar vikurnar þemaskiptar, líkt og síðasta sumar og í síðustu vikunni verða video fundir. Styrktarþjálfun verður innifalin í æfingum fyrir tvo elstu hópana og yngri tveir hóparnir fá upplýsingar um næringu. Búðirnar eru opnar öllum krökkum allstaðar að, hvort sem þau æfa körfubolta eða vilja prófa eitthvað nýtt í sumar. Æfingarnar fyrir 6-8 ára verða í samfloti með Frístund í Gufunesbæ þar sem fylgd verður í boði í Kastala eða Tígrisbæ eftir æfingu.
Þjálfarar eru landsliðsmaðurinn Ægir Þór Steinarsson, landsliðsþjálfarinn Halldór Karl Þórsson og Guðni Heiðar Valentínusson sér um styrktarþjálfun.
Frekari upplýsingar veitir Heiðrún Kristmundsdóttir [email protected]
Finnið og fylgist með á Facebook hér og Instagram hér.
