Íslenska landsliðið mun leika lokaleik sinn í undankeppni HM 2023 gegn Georgíu í Tíblisi komandi sunnudag 26. febrúar. Fyrir leikinn er Ísland í góðri stöðu til þess að tryggja sér farmiða á lokamótið sem fram fer seinna á árinu, en komandi sunnudag þurfa þeir að vinna með fjórum stigum eða meira til þess að sá draumur verði að veruleika.
Karfan spjallaði við leikmann liðsins Kristófer Acox er liðið var á ferðalagi frá Íslandi til Georgíu með viðkomu í Frakklandi í dag. Kristófer lék ekki í fyrri leik gluggans í gær vegna meiðsla, en verður í liði Íslands komandi sunnudag. Þá lék hann einnig heimaleikinn gegn Georgíu sem tapaðist naumlega, 85-88, en þar var eitt hans helsta verkefni að hægja á besta leikmanni þeirra, Tornike Shengelia.
Umfjöllun Körfunnar um íslensku landsliðin er kostuð af Lykil
