Einn leikur fer fram í undanúrslitum Dominos deildar karla í kvöld þegar Þór Þ tekur á móti KR í öðrum leik einvígis liðanna.
KR vann fyrsta leik liðanna síðasta föstudag í hörkuleik en þar með leiðir liðið 1-0 en sigra þarf þrjá leiki til að komast í úrslitaeinvígið. Liðin skiptust á sigri í leikjum þeirra í deildarkeppninni.
Einnig fer fram leikur tvö í úrslitaeinvígi 1. deildar karla þar sem Hamar tekur á móti Fjölni. Fyrsti leikur liðanna endaði með mjög öruggum sigri Fjölnis og munu því drengirnir hans Máté Dalmay leita hefnda í kvöld.
Fjallað verður um leiki kvöldsins á Körfunni síðar í dag.
Leikir dagsins:
Dominos deild karla:
Þór Þorlákshöfn – KR kl 19:15
Fyrsta deild karla:
Hamar – Fjölnir kl 19:15