21. umferð Dominos deildar karla hefst í dag með fjórum leikjum.
Haukar heimsækja Þór í Þorlákshöfn, Skallagrímur fær Tindastól í heimsókn, Breiðablik og Njarðvík mætast í Smáranum og í Keflavík mætast heimamenn og Valur.
Stórleikur kvöldsins vafalaust sá er fram fer í Icelandic Glacial höllinni í Þorlákshöfn. Haukar sem stendur í 9. sæti deildarinnar, einum sigurleik fyrir aftan Grindavík og ÍR í 7.-8. sætinu. Með aðeins tvær umferðir eftir má gera því skóna að þarna fari stærsta tækifæri Hafnfirðinga til þess að eiga þess kost að vera með í úrslitakeppninni. Þór aftur á móti nokkuð örugglega í 6. sætinu, þar sem litlar líkur eru að þeir falli niður, eða nái að vinna sig upp.
Hvort liðið vinnur viðureign 21. umferðar Dominos deildar karla? #korfubolti
— Karfan (@Karfan_is) March 10, 2019