Sjö leikir fóru fram í NBA deildinni í nótt.
Í Staples höllinni í Los Angeles töpuðu heimamenn í Clippers fyrir meisturum Golden State Warriors. Leikur sem áhugaverðastur var fyrir þær sakir að hann var sá fyrsti sem að framherjinn Boogie Cousins leikur fyrir félagið, en hann sleit hásin í leik fyrir New Orleans Pelicans fyrir rúmu ári síðan. Stóð hann sig nokkuð vel í þessum fyrsta leik sínum, skilaði 14 stigum, 6 fráköstum og 3 stoðsendingum á aðeins um 15 mínútum spiluðum.
https://twitter.com/WorldWideWob/status/1086470583095881728
Atkvæðamestur í liði meistaranna var Kevin Durant með 24 stig, 7 fráköst og 5 stoðsendingar. Fyrir heimamenn var það Tobias Harris sem dróg vagninn með 28 stigum, 9 fráköstum og 2 stoðsendingum.
https://www.youtube.com/watch?v=tjpMVsqOzls
Úrslit næturinnar:
Memphis Grizzlies 116 – 122 Boston Celtics
Miami Heat 93 – 98 Detroit Pistons
Brooklyn Nets 117 – 115 Orlando Magic
San Antonio Spurs 116 – 113 Minnesota Timberwolves
Cleveland Cavaliers 99 – 115 Utah Jazz
Golden State Warriors 112 – 94 LA Clippers
New Orleans Pelicans 112 – 128 Portland Trail Blazers
