Í hverri viku munu sérfræðingar Körfunnar spá fyrir um hverja umferð í Dominos deildunum. Sérfræðingarnir verða fyrrum körfuboltamenn, þjálfarar, áhugamenn eða einhver allt annar.
Þrettánda umferð Dominos deildar karla fer af stað í kvöld með fjórum leikjum. Nokkrir stórir leikir fara fram en hvert stig verður mikilvægara nú þegar nær dregur lokum deildarkeppninnar.
Spámaður vikunnar er Dagur Kár Jónsson leikmaður Flyers Wels í Austurríki. Dagur hefur leikið með Stjörnunni og Grindavík á Íslandi og verður verið viðloðandi íslenska landsliðið síðustu misseri.
_______________________________
Stjarnan – Breiðablik
Stjörnumenn munu sigla þægilega í gegnum þennan nágrannaslag. Dúi Þór, ungur og efnilegur leikmaður Stjörnunnar mun vera X-factorinn af bekknum. Eina von Breiðabliks er sú að Þorsteinn nokkur Finnbogason rísi upp úr meiðslum og snúi aftur á parketið, en við skulum ekki veðja á það..
Lokastaða Stjarnan 86-72 Breiðablik
Grindavík – Skallagrímur
Grindvíkingar virtust mæta þreyttir til leiks í síðustu umferð, það skrifast líklegast á 48 klukkustunda bílabónið í jólafríinu. Jói fer vel yfir málin í vikunni og Grindjánar mæta nú með fókusinn í lagi. Þrátt fyrir háan aldur og lúnar lappir fer Óli Óla fyrir sínum mönnum og Grindavík vinnur í jöfnum leik 93-91. Nema að stuðningsmannalagið “Vígið” verður spilað fyrir leik.. þá vinna Skallarnir.
Njarðvík – Þór Þ.
Baldur er að gera gott mót í Þorlákshöfn og Þórsarar hafa komið vel á óvart í vetur. Það þarf hinsvegar mikið til þess að stoppa frænda minn hann Ella Frikk sem að leiðir heitasta lið landsins um þessar mundir. Njarðvíkingar vinna 102-88.
Tindastóll – Valur
Stólarnir rúlla aðveldlega yfir Kendall-lausa Valsara í mest óspennandi leik umferðarinnar. Lokastaða 98-68.
Brilli setur 18 þrista.
ÍR – Haukar
Spilamennska ÍR-inga án @Matosig er ekki upp á marga fiska þessa dagana. Haukar hafa hinsvegar tekið til í sínum herbúðum yfir jólin og ætla sér að snúa hlutunum við. Algjörlega hlutlaus spá er að Daði Lár mun eiga stórleik og Haukar vinna 79-71.
KR – Keflavík
Stærsti leikur umferðarinnar. Vert er að fylgjast með viðureign besta varnarmanns fyrri umferðar Gunnari Ólafssyni og geitarinnar Jóns Arnórs. Leikurinn fer í framlengingu þar sem hann endar með sigri Keflvíkinga 96-93.
Spámenn tímabilsins:
1. umferð: Atli Fannar Bjarkason (4 réttir)
2. umferð: Halldór Karl Þórsson (5 réttir)
3. umferð: Jón Björn Ólafsson (6 réttir)
4. umferð: Jón Axel Guðmundsson (1 réttur)
6. umferð: Tómas Steindórsson (3 réttir)
7. umferð: Lárus Jónsson (2 réttir)