Tveir leikir fóru fram í Dominos deild kvenna í kvöld.
Nýliðar Fjölnis lögðu Breiðablik í miklum spennuleik. Réðust úrslit ekki fyrr en á lokamínútunni, en þá setti leikmaður Fjölnis Margrét Ósk niður þriggja stiga körfu og svo víti til þess að koma Fjölni í forystu sem þær héldu út leikinn. Fjölnir því búnar að vinna fyrstu tvo leiki tímabilsins á meðan að Breiðablik er samkvæmt töflu búnar að tapa fyrstu tveimur sínum.
Þá lögðu Haukar heimakonur í Snæfell. Eftir leikinn eru Haukar því með einn sigur og eitt tap á meðan að Snæfell hefur tapað fyrstu tveimur leikjum sínum.
Úrslit kvöldsins
Dominos deild kvenna:
Breiðablik 71 – 74 Fjölnir
Snæfell 59 – 67 Haukar