Karfan hefur heimildir fyrir því að Jón Arnór Stefánsson sé á leiðinni yfir flugvöllinn og muni spila í rauðum búningi Vals á næsta tímabili. Verður þetta tilkynnt á næstunni.
Jón, sem hefur leikið allan sinn feril á Íslandi fyrir KR er af mörgum talinn besti leikmaður íslandssögunnar og lék mörg ár í atvinnumennsku í bestu deildum Evrópu og var um tíma á mála hjá Dallas Mavericks í NBA deildinni þar sem hann spilaði þó ekki.
Valsmenn hafa nú þegar bætt við sig Sinisa Bilic frá Tindastóli og munu bæði Pavel Ermolinskij og Frank Aron Booker halda áfram hjá liðinu. Þá mun Finnur Freyr Stefánsson, margfaldur íslandsmeistari þjálfa liðið. Ljóst er að það verður mj0g fróðlegt að fylgjast með Valsliðinu næsta vetur.
Háværir orðrómar hafa verið um að Helgi Magnússon muni líka ganga til liðs við Val, en það er ekki staðfest og er talið líklegra en ekki að hann haldi áfram í KR.
