ÍR hefur samið við Ísak Mána Wíum um að taka að sér þjálfun meistaraflokks kvenna. Honum til handar verður Birgir Lúðvíksson.
Taka þjálfararnir við liðinu af Ólafi Jónas Sigurðssyni sem nýlega var ráðinn sem þjálfari deildarmeistara Vals í Dominos deildinni.
ÍR var í öðru sæti 1. deildarinnar þegar að leik var aflýst á síðasta tímabili, fjórum stigum fyrir neðan Fjölni sem ákveðið var að færu upp í Dominos deildina.
