Grindavík hefur samið við Zoran Vrkic um að leika með liðinu á yfirstandandi tímabili í Subway deild karla samkvæmt vefmiðlinum vísi.is.
Zoran kemur til liðsins frá Tindastóli, þar sem honum var sagt upp störfum nú í vikunni. Zoran kom til Tindastóls fyrir síðasta tímabil og var í liði þeirra sem lék til úrslita um Íslandsmeistaratitil síðasta vor. Á þessu tímabili hafði leikmaðurinn leikið 12 leiki í deildinni fyrir liðið og skilað í þeim 8 stigum, 4 fráköstum og 2 stoðsendingum að meðaltali.
