Ægir Þór Steinarsson og Alicante lögðu Cantabria í gærkvöldi með minnsta mun mögulegum í Leb Oro deildinni á Spáni, 78-77.
Alicante eru eftir leikinn í 4. sæti deildarinnar með 12 sigra og sex töp það sem af er tímabili.
Ægir Þór átti ágætisleik fyrir liðið í þessum nauma sigri, skilaði 7 stigum, 4 fráköstum og 5 stoðsendingum.
Næsti leikur Ægis og Alicante er þann 31. janúar gegn Albacete.
