Þór Akureyri hefur samið við hinn bandaríska Reggie Keely um að leika með liðinu í Subway deild karla.
Reggie er 30 ára, 204 cm framherji/miðherji sem kemur til liðsins frá Helios Suns í Slóveníu, en á 7 ára atvinnumannaferil hefur hann einnig leikið í Finnlandi, Tékklandi, Grikklandi, Rúmeníu, Slóvakíu, Makedóníu og Hollandi.
Reggie er annar leikmaðurinn sem Þórsarar hafa samið við á síðustu dögum, en í gær tilkynntu þeir að Jeremy Landenbergue væri á leiðinni til félagsins.
Tilkynning:
Körfuknattleiksdeild Þórs hefur samið við Bandarískan framherja Reggie Keely sem er 204 cm hár og 30 ára gamall. Leikmaðurinn er frá Ohio.
Reggie spilaði með Ohio University í fjögur ár og hefur einnig spilað sem atvinnumaður síðastliðin sjö ár og á síðasta tímabili spilaði hann í Slóveníu.