Vestri lagði Hamar í gærkvöldi á Ísafirði í öðrum leik úrslitaeinvígis liðanna í fyrstu deild karla, 89-77.
Fyrsta leik seríunnar vann Hamar með 9 stigum, 88-79, heima í Hveragerði síðastliðinn miðvikudag, þannig að staðan er nú 1-1 í einvíginu, en liðin mætast næst komandi þriðjudag 8. júní í Hveragerði.
Það lið sem fyrr vinnur þrjá leiki fylgir Breiðablik upp í efstu deild á næsta tímabili.
Viðburðarstofa Vestfjarða spjallaði við Nemanja Knezevic, leikmann Vestra, eftir leik á Ísafirði.
