Stjarnan og Hrunamenn hafa samkvæmt heimildum Körfunnar komist að samkomulagi um að Garðabæjarfélagið fái hinn bandaríska Ahmad James Gilbert lánaðan fyrir bikarvikuna, en þar mun liðið mæta Keflavík í undanúrslitum þann 11. janúar. Fari svo að Stjarnan vinni leikinn og fari í úrslit mun Ahmad einnig vera með liðinu í úrslitaleiknum.
Ahmad mun því vera með Hrunamönnum í fyrstu deildinni gegn Skallagrím þann 6. janúar og vera kominn aftur með félagaskipti til Hrunamanna fyrir leik þeirra þann 16. janúar gegn Álftnesingum.
Ahmad hefur verið stórkostlegur fyrir Hrunamenn það sem af er tímabili í fyrstu deildinni, í 13 leikjum skilað 32 stigum, 12 fráköstum og 5 stoðsendingum að meðaltali í leik.
