Orri Hilmarson og Cardinal Stritch Wolves töpuðu í kvöld sínum fjórtánda leik í röð er þeir lutu í lægra haldi fyrir liði Govenors State Jaguars, en þeir hafa ekki enn náð að vinna leik á tímabilinu.
Orri var á sínum stað í byrjunarliðinu í kvöld, en á 40 mínútum spiluðum skilaði hann 13 stigum, 5 fráköstum, 2 stoðsendingum og 2 stolnum boltum. Næsti leikur Wolves er komandi laugardag 13. febrúar gegn Maranatha Baptist University.
