Höttur tók á móti Tindastól í Bónus deild karla í körfuknattleik á Egilsstöðum í kvöld.
Hattarmenn áttu öfluga byrjun og leiddu allann fyrsta leikhluta, mest með 8 stigum. Heimamenn voru að hitta vel fyrir utan og enduðu 3 stigum yfir 26-23. Höttur átti fyrstu 4 stig annars leikhluta en Stólar tóku svo aðeins við sér, fóru að þétta varnarleikinn og eins og oft áður þá fóru skotin að detta betur í kjölfarið. Stólar náðu góðum spretti um miðjan leikhlutann og komust 8 stigum yfir en heimamenn bitu í skjaldarrendur og höfðu náð að koma muninum niður í eitt stig en Ragnar átti síðasta orð hálfleiksins og gestirnir leiddu 48-51 í hálfleik.
Stólar tóku svo yfir leikinn í þriðja leikhluta, sýndu góðan ákafa í vörninni og keyrðu yfir Hattarmenn. OB Trotter átti gott &1 play og minnkaði muninn í 12 stig þegar einungis 5.6 sekúndur voru eftir en að reyndist þó nægur tími fyrir Giannis að setja ævintýralegan þrist rétt innan við miðju, staðan 65-80 að loknum þriðja leikhluta. Heimamenn náðu svo ekki að ógna gestunum að ráði í síðasta leikhlutanum og Stólar sigldu sanngjörnum 97-85 sigri heim.
Giannis Agravanis var atkvæðamestur gestanna með 27 stig og 6 fráköst og steig upp þegar Sadio og Basile voru ekki að hitta á sinn dag. Arnar Björnsson skilaði 18 stigum í viðbót. Hjá heimamönnum var Trotter stigahæstur með 24 stig.
Umfjöllun / Hjalti Árna
