10:59
{mosimage}
(Hildur verður að leiða hið unga lið Grindavíkur)
Í spá Karfan.is var Keflavík og Grindavík jöfn að stigum í 2. og 3. sæti. Það þýðir að innbyrðis viðureignir muni skera úr um hvort liðið nái heimavallarréttindum í úrslitakeppninni.
Grindavíkurkonur hafa alla burði til þess að landa titlum í vetur en
reynsluleysi gæti orðið helsta ljónið í vegi þeirra. Mikið mun mæða á þeim
Tamara Bowie og Hildi Sigurðardóttur en til þess að Grindavík geti látið
vel að sér kveða þurfa leikmenn á borð við Ölmu, Petrúnellu og Jovönu að
stíga vel upp og hjálpa til við að axla ábyrgðina innan liðsins.
Tamara virðist vera því verkefni vaxin að bera Girndavík langa leið en hún
hefur farið á kostum í þeim leikjum sem hún hefur spilað hér upp á
síðkastið. Unndór Sigurðsson, þjálfari liðsins, er reynslunni ríkari frá
því í fyrra sem og allir leikmenn hópsins og því ættu Grindavíkurkonur að
tefla fram sterkara liði í ár heldur en í fyrra.
Það munar mikið fyrir Grindavík að ungu stelpurnar í liðinu eru allar að hefja sitt annað ár í meistaraflokk. Þær vita um hvað þetta snýst og reynsla úr úrslitaleikjum í bikarnum og fyrirtækjabikarnum hjálpar þeim.
Spennandi verður að fylgjast með Ölmu Garðarsdóttur en hún kom skemmtilega á óvart á síðasta tímabili. Íris Sverrisdóttir er gífurlega efnileg stúlka sem hefur verið óheppin með meiðsli. Ef hún helst heil í vetur ætti hún að geta nýst Grindavíkurliðinu vel. Hún er hávaxin bakvörður og slíkir leikmenn vaxa ekki á trjám. Báðar þessar stelpur eru 16 ára en alls eru 5 stelpur í leikmannahópnum ára.
Leikmannahópur Grindavíkur
Jenný Ó Óskarsdóttir
Lilja Ó Sigmarsdóttir
Berglind A Magnúsdóttir
Tamara Bowie
Íris Sverrisdóttir
Jovana L Stefánsdóttir
Hildur Sigurðardóttir
Alma R Garðarsdóttir
Helga R Hallgrímsdótir
Ingibjörg Jakobsdóttir
Erna R Magnúsdóttir
Petrúnella Skúladóttir
Þjálfari: Unndór Sigurðsson
Grindavík mun eiga í mikilli baráttu við Keflavík um heimavallarréttin í úrslitakeppnni og því ljóst að fyrsti leikurinn milli þessara liða verður mikilvægur.
mynd: [email protected]
