Snæfell nýtti tækifærið vel nú þegar kvennalið félagsins lék í fyrsta sinn í úrslitakeppninni í úrvalsdeild kvenna. Snæfell mátti játa sig sigrað 2-0 eftir mikið og gott einvígi gegn Keflavík. Hið þaulreynda lið Keflavíkur mátti hafa sig allt við að slá út ungt og efnilegt lið Hólmara sem undir stjórn Inga Þórs Steinþórssonar kom nokkuð á óvart í einvíginu. Flestir höfðu spáð Keflavík öruggum sigri en annað kom á daginn.

 

Tveir leikir eru á dagskránni í kvöld í unglingaflokki karla. Báðir leikirnir fara fram á höfuðborgarsvæðinu og hefst fyrri viðureign kvöldsins kl. 19:40 með slag Fjölnis og Laugdæla í Dalhúsum í Grafarvogi.

 

Spennan er nú í hámarki og undanúrslitin framundan í Iceland Express deild kvenna. Eins og gefur að skilja hafa sum lið deildarinnar lokið keppni og eru komin í sumarfrí, mæta ekki aftur í búning fyrr en næsta september, biðin er því tæpir sjö mánuðir. Í byrjun febrúarmánaðar tók Karfan.is púlsinn á þjálfurunum í Iceland Express deild kvenna og þar stóð ekki á svörunum og rauði þráðurinn var að þeir vildu fleiri leiki í deildinni. Karfan.is tekur nú upp þráðinn við Hannes Sigurbjörn Jónsson, formann KKÍ en hann upplýsir að ekki þurfi að bíða eftir ársþingi KKÍ til að gera breytingar á keppnisfyrirkomulaginu. 

 

 

Jakob Örn Sigurðarson var stigahæstur í liði Sundsvall Dragons í sænsku úrvalsdeildinni í kvöld þegar liðið tryggði sér góðan útisigur en Helgi Magnússon gerði 5 stig fyrir Solna sem tapaði á heimavelli.

 

Þá liggur fyrir hverjir leikdagarnir verða í undanúrslitum Iceland Express deildar kvenna. Annarsvegar mætast KR og Subwaybikarmeistarar Hauka og hinsvegar Hamar og Keflavík. KR hefur heimavallaréttinn gegn Haukum og Hamar hefur heimavallaréttinn gegn Keflavík. Hamar og Keflavík ríða á vaðið næsta laugardag er liðin mætast í Hveragerði kl. 15:00 og á sunnudag mætast KR og Haukar í DHL-Höllinni kl. 19:15.

 

Þrír leikir eru á dagskránni í drengjaflokki í dag. Tveir á höfuðborgarsvæðinu og einn í höfuðstað Norðurlands, Akureyri, þar sem heimamenn í Þór taka á móti ÍBV kl. 19:00 í Síðuskóla.

 

Heil umferð fer fram í sænsku úrvalsdeildinni í kvöld þar sem landsliðsmennirnir Jakob Örn Sigurðarson og Helgi Magnússon verða í hamagangnum með sínum félögum. Helgi og Solnamenn eiga stórleik í vændum þar sem Plannja kemur í heimsókn í Solnahallen.

 

,,Ég heyrði aðeins í honum í gær og hann var voðalega kátur, sagðist feginn að þetta væri frágengið og það lá vel á honum,“ sagði Páll Briem Magnússon í samtali við Karfan.is en sonur hans, Haukur Helgi Pálsson, hefur komist að munnlegu samkomulagi við bandaríska háskólann Maryland um að stunda þar nám og leika körfubolta næstu árin. Um svokallað munnlegt samkomulag er að ræða sem þykir nokkuð endanlegt í Bandaríkjunum og í því felst að Haukur ætli sér ekki að ræða við fleiri skóla.

 

Ingi Þór, þjálfari U15 ára landsliðs drengja, hefur valið 24 manna hóp sem mun æfa samn fyrir alþjóðlegt mót í sem fer fram í Danmörku í byrjun júní. U15 ára liðið í fyrra tók þátt á Copenhagen Invitational-mótinu í fyrra og gerði sér lítið fyrir og sigraði á því móti. Einar Árni var þáverandi þjálfari. www.kki.is greinir frá.

 

Helena Sverrisdóttir hefur verið útnefnd besti leikmaður ársins í Mountain West deildinni og þá hefur þjálfari hennar hjá TCU, Jeff Mittie, einnig verið útnefndur þjálfari ársins í deildinni. Enn ein rósin því komin í myndarlegt hnappagat Helenu sem hefur strax frá fyrsta degi með TCU vakið verðskuldaða athygli vestra.