1. deild karla:

Gabríel Sindri í Hamar

14.sep.2018  20:32 davideldur@karfan.is

 

Hamar heldur áfram að styrkja sig fyrir komandi átök í 1. deild karla. Í dag skrifaði Njarðvíkingurinn Gabríel Sindri Möller undir venslasamning við félagið. Gabríel lék á síðasta tímabili með Gnúpverjum í 1. deildinni. Fylgir hann því þjálfara þeirra, Maté Dalmay til Hamars í Hveragerði fyrir þetta næsta tímabil. Í 11 leikjum með Gnúpverjum á síðasta tímabili skilaði Gabríel 15 stigum, 5 fráköstum og 3 stoðsendingum að meðaltali í leik.

 

Gabríel hefur leikið með öllum yngri landsliðum Íslands, sem og var hann í æfingahóp undir 20 ára liðsins semlék í A deild Evrópumótsins í sumar. Þá hlaut hann fyrr í sumar Elfarsbikarinn í Njarðvík, en þau verðlaun eru veitt þeim leikmanni sem efnilegastur þykir í yngri flokkum Njarðvíkur.