U20:

Leikurinn gegn Serbíu í beinni útsendingu hér kl. 16:00

14.júl.2018  09:53 davideldur@karfan.is

Drengirnir hefja leik í A deild Evrópumótsins

 

Í dag mun undir 20 ára lið karla hefja leik í A deild Evrópumótsins í Chemnitz í Þýskalandi. Mun þetta vera í annað skiptið í sögunni sem liðið leikur í efstu deild þessa aldursflokks, en liðið komst upp fyrir tveimur árum og hélt sér uppi síðasta sumar.

 

Með Íslandi í riðli á mótinu eru Svíþjóð, Serbía og Ítalía. Eftir leiki í honum munu liðin svo leika um sæti á mótinu, en það fer fram frá og með deginum í dag til 22. júlí næstkomandi.

 

Allir leikir liðsins munu verða í beinni útsendingu, sem og verða fréttir af þeim bæði hér á Körfunni og á síðu Körfuknattleikssambandsins. Frekari upplýsingar er að finna um mótið hér.

 

Fyrsti leikur Íslands er gegn Serbíu kl. 16:00 að íslenskum tíma og verður hægt að fylgjast með honum í beinni útsendingu hér fyrir neðan.