NBA nýliðavalið:

Næsta æfing Tryggva hjá Denver

14.jún.2018  00:35 Oli@karfan.is

Í kvöld var tilkynnt að Tryggvi Snær Hlinason væri meðal þeirra nýliða sem yrðu á æfingu hjá NBA-liðinu Denver Nuggets á morgun, 14 júní. Æfingin er hluti af nýliðavali NBA deildarinnar 2018 þar sem liðin skoða mögulega leikmenn fyrir valið. 

 

Denver Nuggets eiga þrjá valrétti í ár það er númer 14, 43 og 58 en talið er líklegt að Tryggvi verði á meðal nafna í seinni helming annarar lotu. Ásamt Tryggva verða Dayon Goodman, Donovan Jackson, Victor Sanders, Thomas Welsh og Todd Withers á æfingunni á morgun. 

 

Síðasta þriðjudag æfði Tryggvi hjá Phoenix Suns og vakti það nokkra athygli. Nýliðavalið fer fram þann 21. júní næstkomandi í Brooklyn.