Myndband:

Ævintýraleg flautukarfa tryggði sigurinn í Mars-fárinu

02.apr.2018  01:21 Oli@karfan.is

Arike með tvær flautukörfur fyrir sigri á tveimur sólarhringum

Úrslitaleikur Háskólabolta kvenna lauk áðan þegar lið Notre Dame lék gegn Mississippi State háskólanum. Notre Dame háskólinn var undir í hálfleik 17-30 og allt leit út fyrir að Mississippi næði að landa landstitlinum þetta árið. 

 

Frábær seinni hálfleikur kom Notre Dame inní leikinn og upp hófust æsispennandi lokasekúndur. Í stöðunni 58-58 átti Notre Dame háskólinn boltann og þrjár sekúndur voru eftir. Boltinn endar hjá Arike Ogunbowale sem kemur sér í erfiða stöðu til að skjóta og tekur erfitt skot. Skotið ratar ofaní og Notre Dame fagnaði sigri í annað sinn í sögunni. 

 

„Mér leið bara vel“ sagði Ogunbowale sem setti 14 af 18 stigum sínum í seinni hálfleik. „Ég æfi þessa "seint í leikjum" alltaf. Ég hljóp til Jackie og sagði við hana "Sendu á mig, sendu á mig."“ Þetta var í fimmta sinn á síðustuátta árum sem Notre Dame var í  úrslitaleiknum. Hinum leikjunum hafði liðið öllum tapað en loks kom sigurinn í nótt.

 

Ekki nóg með að Arike Ogunbowale hafi unnið titilinn með flautukörfu heldur var það einnig hún sem tryggði liðinu sæti í úrslitaleiknum. Arike setti nefnilega líka magnaða flautukörfu til að vinna undanúrslitaleik liðsins. Hún var því heldur betur hetja Notre Dame þetta árið enda hlaut hún verðlaun sem verðmætasti leikmaður Mars-fársins í kvöld. 

 

Myndband af þessaru ótrúlegu körfu má finna hér að neðan.

 

 

Báðar flautukörfur Arike má sjá hér að neðan: