Sport TV hefur sýningar á spænsku úrvalsdeildinni

04.jan.2018  07:20 Oli@karfan.is

Íþróttastöðin Sport TV hefur hafið beinar útsendingar frá spænsku ACB deildinni eða úrvalsdeildinni þar í landi. Útsendingar hófust í gærkvöldi þegar Real Madrid vann 81-69 sigur á Baskonia. 

 

Spænska úrvalsdeildin hefur verið talin ein sterkasta deild Evrópu en mörg sterk lið leika í deildinni. Íslendingar eiga sinn fulltrúa í deildinni en Tryggvi Snær Hlinason leikur með Valencia sem er í þriðja sæti deildarinnar. 

 

Sýnt verður frá leikjum á sunnudögum á aðalstöð stöðvarinnar en næstkomandi sunnudag verða leikir Zaragoza og Estudiantes annars vegar og hinsvegar stórleikur Baskonia og Valencia. 

 

Sport TV hóf einnig sýningar á sterkustu deild evrópu, Euroleague á dögunum og því ljóst að það er körfuboltaveisla framundan í á stöðinni. Hægt er að finna hana á rás 13 á myndlyklum Símans en rás 29 á myndlykum Vodafone.