Evrópa:

Tryggvi Snær á lista með Luka Doncic yfir efnilegustu leikmenn Evrópu

21.okt.2017  21:27 davideldur@karfan.is

 

Tryggvi Snær Hlinason, leikmaður Valencia í ACB deildinni á Spáni, var í dag settur á lista yfir fimm efnilegustu leikmenn Evrópu af Dionysis Aravantinos á Eurohoops. Talið er upp að þetta tímabilið leiki 64 evrópskir leikmenn í NBA deildinni, sem sagðir eru vera að breyta leik þar.

 

Þá eru taldir upp þeir Kristaps Porzingis, Dario Saric, Giannis Antetokounmpo, Bogdan Bogdanovic, sem allir hófu ferð sína á stóra svið NBA deildarinnar með liðum sínum í Evrópu.

 

Ekki er leikmönnum listans gefin nein sérstök röð, en ásamt Tryggva eru þar hinn 19 ára gamli Rodions Kurucs hjá Barcelona, 18 ára gamli Dzanan Musa hjá Cedevita Zagreb, 21 árs gamli Anzejs Pasecniks hjá Gran Canaria og hinn 18 ára gamli Luka Doncic hjá Real Madrid.

 

Umfjöllunin um leikmennina í greininni nokkuð ítarleg, en um Tryggva segir að hann sé nú hluti af aðalliði meistara Valencia og að hann muni koma til með að þurfa að berjast fyrir mínútum til þess að sýna sig í vetur þar sem að liðið vilji líklegast gera allt til þess að verja meistaratitil sinn.

 

Greinina má lesa í heild hér