Dominos deild kvenna:

Lykill: Heiðrún Harpa Ríkharðsdóttir

20.okt.2017  21:48 davideldur@karfan.is

 

Lykilleikmaður fjórðu umferðar Dominos deildar kvenna var leikmaður Skallagríms, Heiðrún Harpa Ríkharðsdóttir. Í góðum sigri sinna kvenna á Breiðablik skoraði Heiðrún 14 stig, tók 4 fráköst, gaf 3 stoðsendingar og stal 2 boltum. Einstaklega skilvirkur leikur hjá henni þar sem hún var með 75% skotnýtingu og tapaði aðeins einum bolta á þeim 36 mínútum sem hún spilaði.

 

Aðrar tilnefndar voru Danielle Rodriguez úr Stjörnunni, Berglind Gunnarsdóttir úr Snæfelli og Helena Sverrisdóttir úr Haukum.